Shillong, Rymphang 17
Ka lympung ïalehkai Super Division Cricket League 2026 ba la pynïaid da ka Shillong Cricket Association ka la jam shaphrang ha kaba Sporting CC ka la khur ïa ka jingjop, hadien ba ka la pynliem noh ïa ka Sputnik Spartans da 3 wiket ha ka sngi Ba-ar.
Ha kane ka jingïakhun, ka Sputnik Spartans ka la shimti ban tied nyngkong ha kaba ka kamai tang 185 run bad shah pynkhyllem baroh ki nongtied ha ki 39.3 over. U Kishlay Vishluk u la tied 81 run na ki 103 bol bad u Kalyan Bhattacharjee u la ïoh 38 run na ki 37 bol. Katba u Sachin Kumar bad u Rohit Kr Yadav ki la khur mar 2 wiket.
Haba wan shimti ïa ka pali kaba ar, ka Sporting ka la kynjoh sha ka thong da kaba kamai 188 run bad shah pynhap 7 wiket ha ki 36.1 over. U Ajay Kumar Ram u la tied 45 run na ki 38 bol bad u Sachin Kumar u la ïoh 31 run na ki 38 bol. Katba u Pawan Kumar Ram u la khur 2 wiket bad ïa ka 1 wiket la ïoh da u Dilwar Khan. Ïa ka nam Player of the Match la ïoh da u Sachin Kumar.
