Mawkyrwat, Rymphang 18
Ka Rangmaw Sports Club ka la rah ïa ka nam lahduh ha ka Super Division Cricket League 2025-26 ba la pynïaid da ka South West Khasi Hills District Cricket Association, hadien ba ka la pynliem noh ïa ka Rangthong CSA da 6 wiket.
Ha ka jingïalehkai final kaba la long ha madan Motmeron kaba ha Jakrem, ka Rangthong ka la kam trai ban tied nyngkong ha kaba ka la kamai tang 88 run bad shah pynkhyllem baroh ki nongtied ha ki 27 over.
Haba wan shimti ïa ka pali kaba ar, ka Rangmaw ka la lah ban kynjoh sha ka thong tang ha ki 15 over bad shah pynhap 4 wiket.
Ïa kane ka lympung la wan ban pynhap pyrda da u Bah Damang Syngkon, District Sports Officer (DSO), South West Khasi Hills ha ryngkat ka jingdonlang u Bah Kitborlang Nongrem, Myntri ka Rangthong, Bah Pascal Wahlang, Myntri Jakrem, ki nongkitkam bad kiwei kiwei.
