Shillong, Rymphang 18
Ka East Khasi Hills Cric-ket Association (EKHCA) ka la sdang ïa ka 5th District League T20 Cric-ket Tournament 2026 ha ka sngi Balang ha madan Pynshadkhurai kaba ha Saitsohpen, Sohra.
Ïa kane ka lympung la plie da u Bah F. Lyng-doh, Rangbah Dong jong ka Saitsohpen bad la wan shim bynta da 23 tylli ki kynhun ha kaba la phiah ïa ki ha ki saw tylli ki group.
Haba phai sha ki jingïalehkai kaba nyngkong, ka Cricket Lovers ka la pynliem noh ïa ka Laitjem CC da 45 run. Ka Cricket Lovers kaba la kam trai ban tied nyngkong ka la kamai 198 run bad shah pynkhyllem baroh ki nongtied ha ki 17.5 over. U Mewan-kitbok Kharpuri u la khyrwit ïa ka shiteng spah kaba 66 run na ki 24 bol bad u Sameer Chaudhary u la ïoh 45 run na ki 23 bol. Katba u Manchester Pathaw u la khur 3 wiket na ka bynta ka Laitjem.
Haba wan beh ïa ka thong, ka Laitjem ka la kamai tang 153 run bad shah pynhap 9 wiket ha I 20 over. U Marken B Kharkongor u la tied 37 run na ki 19 bol. Katba u Mewankitbok Kharpuri u la khur 3 wiket na ka bynta ka Cricket Lovers bad u la khur ruh ïa ka nam Player of the Match.
Ha kawei pat ka jingïakhun kaba ar, ka Sohra Combine ka la jop da 5 wiket ïa ka Hurdles CC. ka Hurdles ka la shimti ban tied nyngkong ha kaba ka la kamai 133 ruh bad shah pynhap 9 wiket ha ki 20 over. U Superson Diengdoh u la long u nongtied uba la ïoh bun eh da kaba kamai 40 run na ki 24 bol. Katba u Kevin Diengdoh u la khur 2 wiket na ka bynta ka Sohra.
Haba wan shimti ïa ka pali kaba ar, ka Sohra Combine u la kynjoh sha ka thong da kaba kamai 134 run bad shah pynhap 5 wiket ha ki 18.4 over. U Jona Lyngdoh Nonglait u la tied 34 run na ki 24 bol. Katba u Shrimonto Hajong u la khur 2 wiket na ka bynta ka Hurdles. Ïa ka nam Player of the Match la khur da u Jona Lyngdoh Nonglait.
Kane ka lympung kan bteng biang ha ka sngi Palei ha kaba ka Laitkyn-sew Mission kan ïakhun pyrshah ïa ka S.S Maw-long Mawriang ha ka por 8:30 mynstep, katba ka Royal Rangers ïa ka Mawphlang CC ha ka por 12:05 mynsngi.
