Shillong, Rymphang 18
Sa ar ngut ki khynnah ïalehkai U-17 napoh ka shlem ai jinghikai jong ka SAI Training Centre, Shil-long bad kiba dangpule hapoh ka skul O.M Roy Memorial Higher Secon-dary School ki la shah jied ha ka kynhun ïalehkai Indian Super League, ka Mohan Bagan Super Giants.
Kine ki long u Name-shemphang Pdahkasiej uba na ka shnong Lawbah bad u Banaijingshai Khar-kongor na Mylliem.
Katkum ka jingpynpaw da u coach jong ka skul O.M Roy u Bah Pailaremdor Syndor bad u Sports Secretary Bah B. Syiemlieh, la ïathuh ba ka jingshah jied kine ki khynnah ka long lyngba ka jinglah ban ïalehkai bha ha ka lympung ïalehkai ba la pynlong da ka Reliance Foundation myn ha u Kyllalyngkot mynta u snem ha kaba ka OM Roy ka la long ka lahduh.
“Kum ki bor pynïaid jong ka skul ngi da sngewkmen eh lyngba ka jingshah jied kine ki khynnah namar ki long ka lawei na ka bynta ka Jylla hi baroh kawei bad ngi khmih lynti ba kin dangïai trei shitom nangne sha-khmat ba kin nangkiew shaphrang ha ki kam ïalehkai jong ki,” la bynrap u Bah Syiemlieh.
Lah ban kdew ba ha u snem ba la lah, ki la don lai ngut ki khynnah ïalehkai ka OM Roy kiba la shah jied ha katei ka klob ba paw na Kolkata bad mynta ki la don hapoh ka kynhun ïalehkai Under-17. Kine ki long u Ebenezer Sun, Jona -than Kharbani bad u Paulbious Tariang.
