Los Angeles, Iaiong:
Ki bor pyniaid skul jong ka Los Angeles ha ka sngi Balang ki la mynjur ia ka ain kaba pynbeit ia ka por jong ki khynnah skul ha ka por ba ki pule ha ki kamra klas, kaba pyni ia ka jingsngewkhia ba ka teknoloji ka lah ban don jingiadei bad shibun ki jingpang kynthup ia ka jingbun palat ka jingkhia bad ka jingsngewsih.
Ka skul board jong ka skul skul kaba ar kaba heh tam ha ka ri ka la mynjur ïa kane ka sienjam da ka jingthep vote kaba 6-0 ryngkat bad kawei ka jingkyntait, kaba la pynlong ïa ka skul skul ba la pynïasoh lang ha ka Los Angeles napdeng kiba nyngkong eh ha ka ri ban thaw ïa ki kyndon ha ka por ba pynmeh ia ka phone lane kino- kino ki ‘digital screen’ ha ka kamra klas.
“Ryngkat bad ka jingkhang ïa ki cellphone ba ka LA Unified School District ka la mynjur ha u snem 2024, ngi kyrmen ban long ki nongïalam ha ka ri halor kine ki mat,” ong u dkhot ka board u Nick Melvoin, uba la kyrshan ïa kane ka sienjam, lyngba u nongaiktien.
Ki nongkyrshan ki la ong ba kane ka polisi ka long ban pynïahap hapdeng ki jingdonkam ha ka jinghikai bad ka jingsngewkhia kaba nangroi ba ka jingpynpaw palat ïa ka screen ka pynsniew ïa ka jingpyrkhat jong ki khynnah skul bad ka jingroi jingpar ha ka imlang sahlang.
Ka distrik kaba shakri kumba shiteng million ki samla pule, ka la shaniah bha ha ki laptop bad ki tablet naduh ba ka khlam coronavirus jong u snem 2020 ka la pynsted ïa ka jingpule digital.
“Katba ka jingïoh bad pynroi ïa ki sap ha ka teknoloji ka long kaba kongsan bha ha ka pyrthei digital, ka jingpynlut por palat ha ka jingpeit ïa ki phlim ka lah ban ïadei bad ki jingeh ha ka jingïohi, ka jingkiew ka jingkhuslai bad jingsngewsih, ka jingdih buaid, ka jingduna ka jingpyrkhat, ka jingeh ban pynïaid ïa ki jingsngew, ka jingduna ka jinglah ha ka jingpule bad ka jingduna ka jingmut jingpyrkhat,” la ong ka Pedia Academy jong ka American.
Ka jingthew ka la kdew ïa ka jingwad bniah kaba pyni ba ki khynnah kiba 8 haduh 11 snem ka rta kiba palat ïa ki jingai jingmut ban peit ïa ka por screen ki kham don ha ka jingma na ka bynta ka jingbun snam bad ki ïoh kham duna ha ki jingpeit bniah ïa ka jingmut jingpyrkhat.
Ka rai kam khang mardor ia ki tiar ne bthah ia ka por kaba iaryngkat. Ha ka jaka kata, ka khot ia ki nongtrei jong ka district ban thaw ia ki kyndon kiba iadei bad ka rta ryngkat bad ka jingai jingmut na ki nonghikai, ki longiing bad ki riew shemphang ha ka koit ka khiah paidbah. Haduh kata ka por, ki kyndon ba la don lypa ha ka kyrdan skul kin dang sah ha ka jaka jong ki.
Ki nongkynthoh ki la maham ba dei ban pyntreikam bha ïa ki jingkhang jong ki screen khnang ban lait na ka jingpynmynsaw ïa ki khynnah skul kiba don jingduna ha ki dkhot met kiba shaniah ha ka teknoloji.
