Washington, Iaiong:
Ka kompeni Apple, ha ka Sngi Nyngkong ka la pynbna ïa ka kyrteng jong u John Ternus kum u CEO lane u khlieh nongialam ba thymmai jongka, u ban sa shimti ïa katei ka shuki nongialam ynda la shongthait u heh barim jong katei ka kompeni- u Tim Cook.
a jingkylla nongialam ka pyni ïa ka jingkut jong ka juk ha kawei na ki kompeni ba pawnam tam ha ka pyrthei, kumba ki nongialehkai ki bet ïa ki mar kiba pyndonkam ïa ka AI ban pynlait ïa ka jingsynshar jong ka Apple ha ka iew jong ki tiar pyndonkam.
Hangne ki don katto katne ki jingshisha kiba kongsan shaphang u Ternus:
U Ternus u la ïasoh bad ka kynhun shna ïa ki tiar jong ka Apple ha u snem 2001 bad u la kylla long u nongsynshar jong ka tnat shna tiar ha u snem 2013.
U la pynïasoh bad ka kynhun pynïaid jong ka kompeni ha u snem 2021, ha kaba u la shimti ïa ka kam ba mynta jong u kum u nongsynshar ba rangbah jong ka kam shna tiar, da kaba ai kaiphod sha u Cook.
