Carolina, Iaiong:
Katkum ki khubor, la iathuh ba kitei ki 2 ngut ki la duh ei noh ïa la ka jingim hadien ba ka jingïakynad kaba la thmu ban ïakhun hapdeng ki arliang kynhun jong ki samla shynrang ka la poi shaduh u pud jong ka jingiasynreit kuli hapo;h kawei ka park ha North Carolina ha ka Sngi Nyngkong.
Katei ka jingshah siat, ka la jia ha ka por 10 baje mynstep ha Leinbach Park, ha kaba bun ngut ki briew, ki la ïa siat iwei ïa iwei pat. “Ka NC SBI mynta ka dang jubab halor ka jingshah siat ha surok Robinhood hajan ka skul pdeng Jefferson. Ka jingshah siat kam dei ha katei ka skul hynrei ha Leinbach Park. Ka skul mynta ka la shai bad plie biang lada phi donkam ban leit shaw ïa ki khun jong phi. Katto katne ngut ki briew ki la shah siat, ha kaba 2 ngut ki la iap,” la ong ka tnat tohkit jong ka North Carolina State.
Ki pulit ki la iathuh ba la ithuh bad lap ïa ki katto katne ngut ki nongshah pyniap bad kiba suba donkti; hynrei ki jingpyrshang ki dang iaid shakhmat ban ai jingkhein ïa baroh. Katto katne na ki briew kiba donkti ha katei ka jingshah siat ki dei ki khynnah rit, ong ka khubor jong ka Associated Press.
Ka park ha kaba la jia katei ka jingshah siat, ka dei ha ka jaka ba marjan bad ka jaka shong briew kaba don shaphang shatei lam mihngi jong ka sorbah Winston-Salem, kaba dei ka nongbah kaba don kumba 2.5 lak ngut ki nongshong shnong.
