France, Naitung:
Ki pulit ka France ha ka Sngi Ba-ar, ki la lap ïa 4 tylli ki synduk ba la thep ïa ka met iap jong ki khyllung na kawei ka iingsah jong ki shi kurim ha ka thaiñ Southeast jong ka France.
Ki pulit ki la lap ïa ka shnong Orange hadien ba katei ka kynthei ka la kha ïa u khunlung uba koit ba khiah ha ka sngi Nyngkong, la iathuh ki tyllong khubor kiba iajan bad ka jingtohkit, khlem da ai jingtip bniah.
Ha u Lber, ka kashari jong ka France, ka la set patok ïa kawei ka longkmie, kaba 44 snem ka rta, haduh 25 snem, halor ka jingiap jong ki arngut ki khunlung ba dang kha jongka, kiba ki pulit ki la lap ha ka jaka buh jingbam jong ka iing jongka.
Ha u snem 2018, ka ïingbishar ka la rai pynrem ïa kawei ka kynthei kaba don ïa u lok uba sngewsih bad teng teng uba leh donbor da kaba set phatok haduh 8 snem namar ba ka la pynngam jyllop ïa phra ngut ki khunlung ba dang kha jong ka bad pynkhriat ïa ka met jong ki.
Ha u snem 2015, kawei pat ka iingbishar ka la set phatok ïa kawei ka kmie haduh hynniew snem namar ba ka la pyniap ïa 8 ngut ki khunlung ba dang kha, ha kaba ka kynhun bishar ka la lap ba ka la pynduna ïa ka jingbishar.
