Shillong, Nailur 04
Ka lympung ïalehkai Second Division Football League 2026 ba la pynïaid da ka Shillong Sports Association (SSA) ka la jam sha ka quarter final, katba kiwei pat ki lai tylli ki kynhun kin hap ban ïaknieh ban pyllait ïalade na ka jingshah pynhiar kyrdan.
Ki phra tylli ki kynhun kiba la jam sha ka quarter final ki long ka Mawpat, Umlyngka, Lawsohtun, Madan, Tynring, Sohryngkham, Smit bad ka Mawryng-kneng SC.
Ha ka sngi Saitjaiñ ka Umlyngka pyrshah ïa ka Sohryngkham, ha ka 7 tarik ka Lawsohtun ïa ka Smit bad ha ka 8 tarik ka Madan SC ïa ka Mawryngkneng. Ïa kine baroh ki jingïakhun yn pynlong ha ka por 3:15 nohphai sngi ha SSA Stadium, Polo.
Ka jingïakhun ban ïaknieh lait hiar ne ka Bottom League ha ka 7 tarik ka Jongksha kan ïakhun pyrshah ïa ka Mawkriah bad ha ka 10 tarik ka Mawkriah ïa ka Lumshyiap SC. Ïa kine baroh ki jingïakhun yn pynlong ha ka por 1 baje mynsngi ha madan MFA, Polo.
Kat kum ka kyrwoh la ong ba ïa ka semi final yn pynlong ha ka 14 bad 15 tarik mynta u bnai bad ka final kan long ha ka 19 tarik.
