Khliehriat, Risaw 22
Ka Khliehriat West YWSC ka la jam sha ka quarter final ha ka lympung ïalehkai 1st Division Football League (Thomas Nongtdu Memorial Trophy) ba la pynïaid da ka East Jaiñtia Hills District Football Association (EJHDFA).
Kane ka la wan hadien ba ka la pynjem khnap haduh 17-0 kol ïa ka Dhana CSC ha ka sngi Palei ha madan Diengshynrum, Khliehriat.
U Seram Sekho ula khyrwit da ka hat-trick daba thep saw kol ha ka minit kaba 20, 24, 43 & 51. Ïa kiwei pat ki hat-trick la khur da u Bijoy Suting bad Lazio Dkhar. U Bijoy Suting u la thep ha ka minit ba 42, 46 & 48 bad u Lazio Dkhar ha ka minit ba 64, 66 & 70.
Kiwei pat ki kol la thep da u Teibor Swer (37 & 49), Pynshe Pakem (83 & 87), Dao-shwa Chyrmang (47 & 53), bad Ïashah Talang (75).
Kiwei pat ki kynhun kiba la rung quarter final na ka Pool-A ki long ka Khliehriat East YWSC bad ka Musniang SC. Na ka Pool-B ka Rymbai Synrangshah -khain SC bad ka Deinshalalu SC. Pool-C ka Ladrymbai Dongwah SWSC bad ka Rymbai Iawpynsing SC. Katba na ka Pool D-Khliehriat ka West YWSC bad ka Lumshnong YWSC.
