Ranchi, Nailur:
Haba pynpaw ïa ka jingsngewkhia kaba jur halor ka jingktah ïa ka mariang bad ka sawdong sawkun na ka jingpom ïa ki dieng kiba bun bha, ka Jharkhand High Court ka la pynsangeh noh ïa ka jingpom ïa ki 13,681 tylli ki dieng kiba la san pura kiba la ithuh na ka bynta ban shna ïa ka surok bypass ha kylleng ka Chatra.
U Justice Ananda Sen, haba bishar ïa ka dorkhas ba la mudui da u Suresh Sao, u la bthah ba ym dei ban pom ïa kino kino ki dieng kiba la ithuh, tad haduh ban da ai hukum da kumwei pat. Ka iingbishar ka la iehnoh ruh ïa ki bor ba dei peit ban pyrkhat biang ïa ka jingthmu ban pynbeit surok bad ban wad ïa ki lad ki lynti kiba lah ban pynduna ïa ka jingduhnong jong ki dieng.
Ka ïingbishar ka la pyntreikam ruh ïa ka tnad jong ka sorkar pdeng kaba peit ïa ka mariang, ka khlaw bad ka jingkylla ka suiñbneng bad ka tnad jong ka sorkar pdeng kaba peit ïa ka leit ka wan kum ki nongkynthoh ha kane ka kam.
Kane ka kam ka la wan hakhmat ka ïingbishar bahakhliehduh hadien ba u nongujor u la pan ban pynkylla ïa ka lynti kaba la buh por, da kaba kynthoh ba ka lynti kaba pher ka lah ban pynim ïa kumba 300 tylli ki dieng kiba la san pura kiba ïeng ha ka jaka jong u.
Ha ka jingbishar kaba la dep, ka ïingbishar ka la bthah ïa ki bor ba dei peit ban leit jurip ïa katei ka jaka bad ban ai ïa ka kaiphod kaba batai bniah ïa ka jingdon ki dieng ki ban hap ban pom hapoh ka jingpynbeit kaba la don lypa bad hato lah ne em ban pynkylla ïa ka surok ban ïada ïa ki.
Ha ki khyndiat sngi jong ka taïew ba la lah, ka Jylla, da kaba treikam katkum ka jingbthah jong u Executive Engineer, NH Division, Hazaribagh, ka la pyntip sha ka Kashari ba 13,681 tylli ki dieng, kynthup ïa kiba don ha ki jaka khlaw, kin hap ban pom hapoh ka ka jingpynbeit kaba la don lypa. Ka jylla ka la pynpaw shuh shuh ba baroh ki dieng kiba la ithuh ki dei kiba la san pura.
Da kaba shim khia bha ïa ka jingbun jong ka jingthmu ban pom dieng, u Justice Sen u la ïohi ba 13,681 tylli ki dieng kiba la san pura kim dei satia kiba rit bad ba ka jingpynkylla ïa ki kan ktah jur ïa ka mariang.
Ka ïingbishar ka la pynksan ba ïa ka khlaw ym lah ban peit tang kum ka jinglum lang ïa ki dieng, hynrei kum ka Ecosystem kaba pura kaba kyrshan ïa ki mrad, ki sim, ki khñiang bad kiwei kiwei ki jait jingim.
Ka la ïohi shuh shuh ba wat ka jingpynheh khlaw da kaba pyndap bad ka jingthung ïa ki dieng kiba bun kam lah ban bujli mardor ïa ka jinglong jingman jong ka khlaw kaba la don lypa. Ka kashari ka la kdew ba ki dieng rit ki lah ban shim por palat 100 snem ban san bad ha u snem 2023-24, la pom 1.05 lak tylli ki dieng na ka bynta ki projek National Highway. Ha Dhanbad, la pom 5,811 tylli ki dieng na ka bynta ban shna ïa ka surok kaba 8 lane, katba 3,518 tylli ki dieng la pom na ka bynta ka Barhi-Koderma NH sha ki dieng kiba la heh pura bad ban roi sha ka khlaw kaba la san bha.
Kaba kham pawnam ka long ba ka jingpom dieng kaba heh ka la jia ha kane ka jylla ha kine ki khyndiat snem ba la dep, ha kaba ka jingdon jong ki dieng kiba la thung ka la duna bha na kane ka jingkheiñ.
Hapdeng u snem mang tyngka 2020-21 bad 2023-24 la pom haduh 1.05 lak tylli ki dieng na ka bynta ki projek surok National Highway. Ha Dhanbad la pom 5,811 tylli ki dieng na ka bynta ban shna ïa ka surok 8 lane, katba 3,518 tylli ki dieng la pom na ka bynta ka surok Barhi-Koderma NH. Ha Ranchi, la weng 2,600 tylli ki dieng na ka bynta ban pynheh ïa ka surok Namkum-Angara, bud sa ka jingpom ïa ki 1,200 tylli ki dieng na ka bynta ka projek Smart City.
Ki kyndon ki bthah ba ki tnad ba dei peit ki dei ban thung 10 tylli ki dieng na ka bynta uwei pa uwei u dieng uba la pom. Katba ki agency ki thung ïa ki jingthung jingtep, ka jingim ka ïeng tang 73%.
