Dehradun, Nailur:
Ki la jan don kumba 10 tylli ki Madrasa kiba la shah buh kyrteng ha ki rekod ba mynshuwa jong ka Uttarakhand kiba la khang, katba tang 30 tylli haduh mynta ki la ïoh ïa ka jingithuh na ka Education Department ka jylla, la ong ka jingthoh ba la buh jingkheiñ hapdeng kane ka por ba la don ki jingpynkylla ïa ka rukom pynïaid ïa ki jaka pule jong ki rit paid.
Katkum ki jingthoh jong ki tnad, la ong ba 179 tylli na ki 452 tylli ki madrasa kiba la pynrung kyrteng hapoh ka rukom treikam kaba mynshuwa kim treikam shuh, ka jingkhang ka long 39.60%. Sa 19 tylli ki jaka pule la khang tala namar ba la kynnoh ba kim kohnguh ne bud ïa ki kyndon ba la buh.
Ïa ka bor pynïaid ïa ki jaitbynriew rit paid ha Uttarakhand la thaw ha ka 3 tarik u Rymphang, 2026, ha ka jaka jong ka Uttarakhand Madrasa Board na ka bynta ban ithuh ïa ki jaka pule jong ki rit paid.
Ka tnad pule puthi ka dang pyndep ruh ïa ki aplikeshon, da kaba thaw ïa ki lynti ithuh ba kyrpang ha ka por ba pynkylla.
Tang 30 tylli ki madrasa ki la ïoh ïa ka jingithuh na ka tnad pule puthi, kaba long kumba 6.6% na ka jingkheiñ kaba mynshuwa kaba long 452. Sa 134 tylli ki la apply, katba 54 tylli ki dang hap ban aiti ïa ki aplikeshon.
Kyrpang, ka bor ba la thaw thymmai ka la ai jingithuh ïa 35 tylli ki jaka pule jong ki jaitbynriew rit paid, kynthup ïa 33 tylli ki madrasa bad ar tylli kiwei pat ki jaka pule ba la pynïaid da ki jaitbynriew rit paid. Ki heh sorkar ki la ong ba kine ki jingmynjur ki long kiba pher na ki 30 tylli ki jingithuh madrasa ba la pynmih lyngba ka tnad pule puthi.
U Parag Madhukar Dhakate uba dei u Special Secretary ka tnad Minority Welfare u la ong ba ki bor bahalor ki dang eksamin ïa ki aplikeshon katba ki wan.
“Ka jingtreikam halor ki aplikeshon kiba dang pdiang ban ïoh jingithuh ka dang ïaid shakhmat”, la ong u Dhakate.
Ka sorkar ka dang buddien ruh ïa ki jaka treikam kiba treikam shabar jong ki kyndon ba la buh, ong ki heh sorkar. Hynrei ki jingtip ba la pynmih haduh mynta kim shym la pynshai la ki don ki kyrdan kiba ïatyngkhuh ne baroh ki jaka pule ba la khang bad ba la khang ki dei shi bynta jong ka thup tynrai jong ki 452 tylli.
