Srinagar, Nailur:
Ki la don kumba 20 ngut ki nongbud jong ka seng Congress, kynthup ïa hynriew ngut kiba la shah kem, ki la shah mudui mukotduma, kynthup ïa ka jingthmu ban pynïap briew, ka jingpynmynsaw kaba jur da ka mon sngewbha bad ka jingkulmar hadien ka jingkynnoh ba la pynsniew dur ïa ka ïing sah jong u Chief Election Commissioner u Gyanesh Kumar ha ka jingïakhih jong ka seng, ong ka khubor ba la wan na ki pulit ha ka sngi Balang.
Kane ka jingleh ka long hadien ka jingïakhih kaba la jia shabar ka ïing sah jong u Kumar ha ka thaiñ Vijay Nagar ha ka lah sngi U Blei. La kynnoh ba ki nongbud jong ka seng Congress ki la thoh ïa ki jingthoh da ka rong ïong ha ka khyrdop bad ka kynroh jong ka ïing shwa ban mih na katei ka jaka.
Ki 6 ngut kiba shah kynnoh kiba la shah kem, ki dei ki nongïalam jong ka seng Congress, kiba kynthup ïa u Anil Yadav, u Mukesh Dhangar, u Manoj Gaur, u Rajesh Kumar, u Raja Gautam bad u Pankaj Chaudhary, ïa kine baroh la phah sha patok ha ka sngi Ba-ar, ong ki pulit.
Ïa kane ka mukotduma la mudui ha Hariparvat police station halor ka jingthoh ba la ujor da u Sub-Inspector u Gaurav Gupta. Ka jingujor ka la kdew kyrteng ïa 8 ngut ki briew bad 15-20 ngut ki nongbud jong ka seng Congress ki bym pat lah ban ithuh.
Ïa kane ka mukotduma la mudui ha Hariparvat police station halor ka jingthoh ba la ujor da u Sub-Inspector u Gaurav Gupta.
Ïa kiba shah kynnoh la pynngat hapoh ki kyndon 109, 121, 126, 132, 191, 333, 351(2) bad 352 jong ka Bharatiya Nyaya Sanhita (BNS).
