Canberra, Risaw:
Ha kane ka khubor, la ong ba utei u nongñiah jong katei ka kali um lah shuh ban tehlakam, ha kaba mu la leit ban tur beit-beit sha katei ka jaka ialum briew bad la ong ba 10 ngut ki la mynsaw jur na katei ka jingjia, kynthup ïa ki khynnah. Kane ka la jia hapoh ka nongbah Newcastle jong ka ri Australia ha ka Sngi Saitjaiñ.
Da ki hajar ngut ki nongkyrshan ki la ïalum lang ban ai khublei ïa ka kynhun ïalehkai rugby jong ka thaiñ ka Newcastle Knights ha shwa ka jingïakhun final kaba khraw pyrshah ïa ka Sydney Roosters ha ka Sngi U Blei.
Hynrei ka jinglong jingman jong katei ka jingialehkmen ka la shah pynthud noh hadien ba uwei u nongkyrshan rugby uba dang 18 snem ka rta uba ñiah khlem akor ïa ka kali jong u, um lah shuh ban tehlakam ïa ka kali jong u bad u la kum leit tynrah ïa ki paidbah kiba dang ialum lang shi jaka ha katei ka por, la iathuh ki pulit.
Napdeng kitei kiba mynsaw baroh, 2 ngut ki dei kbia la mynsaw jur haduh katta bad kiba ka jingim jongki ka don ruh hapdeng ka jinma. Kitei ki 2 ngut ki kynthup ïa kawei ka khynnah 5 snem bad uwei pat u tymmen 67 snem ka rta.
Arngut kiwei pat ki khynnah rit ki la mynsaw, la iathuh ki pulit.
Ki pulit ki la
kem noh ïa utei u nongñiah jong katei ka kali bad ki jingtohkit kin dang ïaid sha khmat ba yn ioh ban pynngat ïa u hapoh ki kyndon pynkheiñ aiñ ba la buh.
