Washington, Risaw:
U President ka America u la pynlong ïa ka jingïakhawai bam miet kaba heh bha ha ka iing White House ryngkat bad ki heh jong ka tnat teknoloji, kynthup ïa u heh jong ka SpaceX bad Tesla, u Elon Musk, u CEO jong ka Meta, u CEO jong ka Google, u CEO jong ka NVIDIA, u Jensen Huang, bad kiwei kiwei. Ka jingstad” (SI).
Haba kren sha ki lad pathai khubor, u Trump u la pynbna ba yn sa soi ïa ka kot treikam ba pura ban pynkylla kyrdan biang ïa kane ka teknoloji.
“Ngin sa iasoi ïa ka kot mynta ka sngi ha ka por 5 baje ban pynkylla kyrteng noh ïa ka Artificial Intelligence namar ba kam dei kaba la shna da ki briew. Baroh ngi ïa mynjur lang ïa kata. Ngin sa pynkylla kyrteng noh ïa ka sha ka Super Intelligence – da kaba pynkylla kyrteng noh ïa ka da kaba pynbna paidbah,” la ong u Trump.
Haba pynpaw ïa ka thong ba ïasam lang hapdeng ka bor synshar bad ki nongïalam jong ka teknoloji kiba don ha ka miej, u Trump u la ong, “Kawei kaba ngi baroh ngi don lang ka long ba ngi ieid ïa ka ri jong ngi bad ngi ieid ïa ka pyrthei bad ngi kwah ban pyntikna ba ka dei ka jaka kaba shngaiñ, bad kaei kaba ngi ïakren mynta ka sngi kan pynlong ïa ka kum ka jaka kaba kham bha.”
U Trump u la pynksan ruh ïa ki jingtei kiba donkam ban kyrshan ïa ka jingstad ba kham tbit, da kaba kdew ba ki kompeni tech ki dei ban ïatreilang bad kyrshan ïa ki sor kiba don ha ka thaiñ kiba pynlong ïa ki jaka buh jingtip.
Da kaba khot ïa kane ka jingïakren “kaei kaei kaba kyrpang bha,” u President ka US, haba kren sha ki nongthoh khubor shabar jong ka White House shwa ka jingïalang, u la pynksan shaphang ka Super Intelligence bad ka jingkhraw jong ka.
“Ka dei ka jinglong kaba khraw tam kaba don – lehse ka jinglong kaba khraw tam kaba la ju don. Ka kham heh shibun ban ïa ka Internet,” la ong u Trump bad bynrap, “Kane ka dei ka jingroi kaba ym lah ban ngeit na ka bynta ka ri jong ngi – bad ngi don ïa ki baroh.”
Haba ktah ïa ka jingshngaiñ, ka jingsynshar, bad ka jingpyndonkam bakla kaba lah ban jia ïa ki rukom treikam jong ka pateng ban wan, u Trump u la ong, “Kine ki model ki long kiba jylliew bha bad sa shisien, nga ngeit ba kin sa pyndonkam na ka bynta ka jingbha – bad haba kim long, ngin sa lah ban kem ïa ki.”
Ka jingïalang ka la ïohi ruh ïa ki nongïalam jong ka karkhana ba ki kren halor ka phang pdeng jong ka White House Accord kaba pynleit jingmut ha kaba pynroi ïa ka Super Intelligence ha ka rukom kaba shngaiñ bad kaba don ka jingkitkhlieh.
U CEO ka Meta, u Mark Zuckerberg, u ong ba katei ka jingiateh, ka thmu ban tei ïa ka jingshaniah jong ki paidbah, da kaba ong, “Ngi kwah ban ai jingshaniah ïa ki paidbah America bad ki nongthied jong ngi, ba ka teknoloji, ka treikam ha ka rukom kaba ngi la thmu.”
U CEO jong ka Anthropic u Dario Amodei u la pynpaw ïa ka jingdonkam jong ka jingïatreilang ha ka roi ka par, da kaba ong, “Ngi baroh ngi donkam ban ïatreilang ban pyntikna ba ngi lah ban jop bad ngi lah ban jop da kaba suk. Lada ngi leh hok ïa kane, lada ngi ïatreilang bad u President bad baroh kiba don hangne, ngi lah ban jop da kaba suk.”
Haba pynksan ïa ka jingïada bad ka jingstad jong ki jingïakren, u nongpynïaid jong ka tnat wad bniah jong ka ri u Jay Clayton u la kdew, “Ka jingïasngewthuh jingmut mynta ka sngi ha kylleng kata ka mat jong ka jingïada ri ka long ban long u nongïalam ha America ha ka AI ka dei kaba kongsan tam na ka bynta ka jingïada ri.”
