Shillong, Risaw 26
U Myntri Rangbah ka Jylla u Conrad K Sangma ha ka lah sngi U Blei u la ong ba ka tnad DoNER ka la ai ka jingkyrshan ban pynlong ïa ka 39th National Games ha ka jylla Meghalaya.
“U Myntri ba dei khmih ïa ka tnat DoNER, u JM Scindia u la pynïaid ïa ka jingïalang ban ïakren halor ka jingïatreilang bad ka tnad DoNER na ka bynta ka lympung ïalehkai 39th National Games ka ban long ha u snem ban wan ha ka jylla Meghalaya,” la pynpaw u Sangma ha ka rynsan X.
Haba pynpaw ïa ka jingsngewnguh halor kane ka bynta, u Sangma u la ong, “Ngi sngewnguh ïa ka jingkyrshan jong u katba ngi dangïaleh ban pynlong ïa ka National Games bad ka jingpyni ïa ki sap ïalehkai bad ka jingriewspah ha ka kolshor jong ka thaiñ shatei lammihngi.”
