Jowai, Risaw 26
Ka Lumphyrnai Sohphoh ka la pynjem khnap haduh 9-1 kol ïa ka Krem Kum Nongkhroh ha ka lympung ïalehkai Super Division ba la pynïaid da ka Thadlaskeiñ Sports Association ha ka lah sngi U Blei ha Multi Sports Complex Wahïajer.
U Decidious Pyrtuh (25 & 33), Pynbiang Suting (11 & 33), bad u Sanowel Suting (64 & 90) ki la ïoh ban thep mar ar kol, katba ïa ki shi kol la thep da u Snowell Kharsati (44), Habandajop Khriam (49), bad u Walson Suting (84). Na ka liang ka Krem Kum Nongkhroh ka la pynphai kylla shi kol lyngba u Alemon Nongspung (82).
Haba phai sha ka lympung ïalehkai 1st Division, ka Niriang SC kala pynliem da 4-2 kol ïa ka Dongmihsngi SC.
Ïa ki kol na ka Niriang la thep ar kol da u Banshan Mukhim (9 & 37) bad ïa kiwei pat la thep da u Ïohibiang Siangshai (14) bad u Dao Muruh (47). Katba na ka liang ka Dongmihsngi ka la lah ban pynphai kylla ar kol lyngba u Samuel Shadap (23 & 32).
