Shillong, Risaw 26
U Kishan Lyngdoh bad u rangïalehkai ‘guest professional’ u Ajay Duhan ki la ïoh ban khyrwit ‘century’ na ka bynta ka Meghalaya ha ka sngi kaba nyngkong jong ka Ranji Trophy 2026-27 (plate group) pyrshah ïa ka Mizoram ha ka lah sngi U Blei ha Nadiad, Gujarat.
Hadien ba ka la jop ïa ka kynting pisa bad jied ban tied nyngkong, ka Meghalaya ka la lah ba kan kamai 385 run bad shah pynhap 2 wiket ha ki 89 over.
Ki nongkawang bol ka Mizoram ki la lah ban pynkhyllem ïa ki ar ngut ki nongtied ba nyngkong kata ïa u Kevin Christo-pher (18) bad u Arpit Bhatewara (29), hynrei ka Meghalaya ka la kiew syndep sha ki 308 lyngba ka jingïalehkai lang u Kishan bad u Ajay, kiba khlem shah pynhap wiket.
U Ajay u la ïoh 167 (not out) ha kaba u la wan ban tied na ki 228. Ha ka wat jingïakhun ki kynthup ïa 20 tylli ki ‘four’ lem bad ki ‘six’. U Kishan u la long uba khlem shah pynkhyl-lem ha ki 144 run na ki 196 bol, kaba kynthup ïa 18 tylli ki ‘four’ na ka daw ba ki nongkawang bol ka Mizoram kim shym la lah ban pynkhyllem ïa u.
Kumba ka paw kane ka long ka sien kaba nyngkong na ka bynta u Ajay ban kamai ïa ka ron kaba kham eh, ha kaba kham hashwa u la ïoh 129, katba u Kishan u la lah ban kynjoh ar sien ïa ki jingkamai ïa ki spah run bad ym don jingartartien ba un sa ïoh ban lehkmen ïa ka spah run kaba san ha ka Ranji.
