Washington, Risaw:
U President ka America, u Donald Trump, ha kane ka sien u la pharep kylla ïa u President ka Ukraine- u Volodymyr Zelensky, ha kaba u la ong ba utei u nongialam ka Ukraine um shym kwah ban poi sha ka jingiasuk bad ka Russia bad um don mon ban pynkut noh ïa ka thma kaba la neh mynta la 4 snem ta bad ka Russia.
U Trump u la thoh ha ka rynsan jong ka Truth Social ba u dang don ha ka jingïakren ïa ka jingsuk hapdeng ka Russia bad ka Ukraine bad u la ïoh ïa ka “jingkiew kaba khraw” hynrei u la kynnoh: “U Zelensky um sngewkhia, bad ban kren beit, da baroh ki pisa ba ka Europe ka pawnam ban ai ïa u… um kwah ban pynkut noh ïa kane ka thma, bad lehse um shym la leh satia.”
U Trump, ha ka Sngi U Blei, ula ïada ïa ka rai jongu, ban pyllait noh ïa ki katto katne ki jingpynjari kyndon ïa ka Russia, ha kaba sa shisien pat, ula kynnoh ïa u nongïalam jong ka Ukraine, U Volodymyr Zelensky, ba um kwah ban pynkut noh ïa ka thma.
“Ka rai jong nga halor ka Russia, ka long kaba suk bha. Nga don ha ka jingïakren ban ïakren ïa ka Jingsuk ha ka thma hapdeng ka Russia bad ka Ukraine, bad ngam kwah ban leh ïa kano kano ka kam kaban pynkynriah noh, da ka jingbieit, ïa ka Russia na ka miej ïakren,” la thoh u Trump ha ka platform Truth Social jong u.
Kane ka jingkren ka long hadien ba u Trump u la soi ïa ka hukum sorkar ha ka janmiet jong ka sngi palei kaba la pyllait ïa ki jingpynjari ba thymmai ba la bthah da ka aiñ ba la ai kyrteng na ka bynta ka senator ba la khlad noh jong ka US ka Lindsey Graham, ka nongkyrshan ba radbah jong ka jingïada ïada jong ka Ukraine.
U Trump u la pyllait ruh shipor ïa ki jingpynjari kyndon halor ka umphniang diesel jong ka Russia, kaba la ailad ïa ka umphniang diesel kaba bun ban tuid sha ki ïew jong ka pyrthei ha ka jingthmu ban pynhiar dor ïa ka umphniang ha shwa ka ilekshon ha US ha kaba sdang jong u bnai ban wan.
Ka jingïateh kular jong ka diesel ka la ïakynduh da ka jingkyndit da ka Kyiv bad ki paralok jong ka bad ka la pynmih ïa ka jingïakynad hapdeng u Trump bad u Zelensky kaba la pynlong ïa ka jingïadei jong ki kaba la hiar dor biang.
