Shillong, Risaw 27
U rangïalehkai tennis ka ri u Yuki Bhambri lem bad u paralok jong u na America, u Ryan Seggerman ki la khur ïa ka nam lahduh ha ka Almaty Open ha ka lah sngi U Blei ha Kazakhstan.
Kine ki shijur na India bad America ki la lah ban pynliem ïa u Lucas Miedler bad u Neil Oberleitner na Austria da 7-6, 6-7, 10-2 ha ka jingïalehkai final men’s doubles.
Kane ka long ka jingjop kaba nyngkong na ka bynta u Bhambri ha ka ATP Tour mynta u snem bad kaba long ka sien kaba san ban rah nam lahduh ha ka jingïalehkai doubles ha ka jingshim bynta ha ka ATP Tour.
