Washington, Risaw:
U President jong ka ri America, u Donald Trump, u thmu ban sangeh noh ïa ka jingpyndonkam ïa ka kyntien “Artificial Intelligence” bad ka jingpynkylla lyngkot jong ka, “AI” ha kylleng ki kot ki sla jong ka sorkar, kaba pynbor ïa ki tnat sorkar pdeng, ban pyndonkam ïa ka kyntien “jingstad ba khraw tam” (lane “SI”) ha ka jaka jong ka.
“Lano ka The Wall Street Journal kan sdang ban khot ïa ka Artificial Intelligence (AI), ka kyrteng kaba sniew bha bad kaba khlem thikna, ka SI (Super Intelligence), ka kyrteng kaba jan baroh kiwei pat ki pyndonkam, lane shen kan sa long kumta,” la thoh u Trump ha ka Truth Social.
“Ha ka jingkren lyngkot, ngin sangeh noh da kaba pyndonkam ïa ka kyntien, ‘AI ne ka jingstad thymmai,’ ha baroh ki kot ki sla kiba ïadei, bad kiwei kiwei, namar ka jingbym thikna jong ka.”
Ha ka jingthoh, U Trump, u la kynthoh ïa ka jingthoh “AI” ba kam long kaba thikna, da kaba kynthoh ba “ka jingstad ba khraw” ka dei ka jingbatai kaba kham bha ïa ka teknoloji. Kane ka sienjam ka tei halor ka hukum jong ka sorkar ba la soi mynshwa, kaba la bthah ïa ki tnat treikam ban shim ïa ka “SI” ha ki jingpyntip ba thikna jong ki.
“Ka United States, ka dei ka nongïalam ha ka pyrthei, ha ka Super Intelligence, bad ka sorkar pdeng, ka dei ban pyndonkam da ka kyrteng, kaba pynpaw ïa ka jingkular ba pura bad ki lad ki lynti jong kane ka teknoloji,” ong ka nongaiktien jong ka White House, ka Liz Huston, ha ka Newsweek, lyngba ka email.
“Ka kyrteng Super Intelligence ka pynskhem ïa ka jingthmu jong ka Bor synshar ban kyntiew ïa ka jingpynwandur thymmai jong ka ri America, ban pynkhlain ïa ka ioh ka kot jong ngi, bad ban pyndonkam ïa kine ki buit thymmai ban pynbha ïa ka jingim jong ki briew jong ka ri America.”
Katba ka White House ka la bthah ïa ki tnat sorkar ban weng noh ïa katei ka kyntien, ki riew shemphang kin kdew ba u president um lah ban pynbor ïa ki kompeni shimet ne ki nongshong shnong ban pynkylla ïa ka ktien jong ki, la bynrap shuh shuh katei ka lad pathai khubor.
Katkum ka jingong jong katei ka kot khubor, ki nongwad bniah bad ki nongthaw polisi ki la pynrem pyrshah ïa katei ka jingkylla, da kaba kdew ba ka “jingstad kaba palat” ka don ïa ka jingmut kaba kyrpang ha ka tech, kaba thew ïa ki mashin kiba kham stad ban ïa ki briew, kaba ym lah ban batai thikna ïa ka jingstad mynta.
