Ka Jaitbynriew jongngi ka la ïa bud bad pdiang ïa ki jait niam bapher bapher kum ka niam khristan/Muslim/Hindu bad kiwei kiwei. Lada ngi bud ïa kano kano ka kynhun niam makna ngim dei pat ban ïehnoh ïa ka tynrai kata ban ai ne buh kyrteng niam ïa ki khun haba ngi dei ki Khasi. Ngi dei ban buh kyrteng ïa ki khun ki kti da ka kyrteng Khasi paka ym ban buh kyrteng niam khnang ba kan neh kan sah ka snap Khasi. Hooid ngi lah ban bud haba ngi kwah ïa kano kano ka niam kam pher. Hynrei lada long kaba lah to ngin jer kyrteng ïa ki khun ki kti da ka kyrteng Khasi ym ban ai kyrteng niam, kum u Loukas, u Thomas, u Gabriel, u Jakob, u David, u Solomon, u John, u Stephan, u Petros bad kiwei kiwei. Dei ban ai da ka kyrteng Khasi kum u Lamphrang, U Khadarbor, u Pynhunlang bad kiwei kiwei kiba dei ka kyrteng paka ka jaitbynriew Khasi. Lada ngi kwah ba ka jaitbynriew Khasi kan im ha ka kyrteng bad ka nam. Ngi dei ban jer kyrteng Khasi wat lada ngi don makna ha kano kano ka jait niam ruh. Kane ka long tang ka jingiohi ba rit jongnga khnang ban noh ka shap Khasi kaba u Blei nongbuh nongthaw ula pynlong ïa ngi kum ka jaitbynriew Khasi ne Hynñiewtrep.
C. B. Iawphniaw
