Shillong, Naiwieng 03
Ka Nongkroh SC bad ka Kyrshai Youngster ki la ïakhaid mar 1-1 kol ha ka lympung Rambrai Super Eight, ha ka sngi Ba-ar ha madan St. John Bosco Nongkroh.
Ha kane ka jingïalehkai ka Nongkroh ka la pynkhih jar nyngkong lyngba u Rikmen Nongrum ha ka minit kaba 30. Hynrei ka Kyrshai Youngster ka la pynphai kylla lyngba u Istar Marngar (89) na ka bynta ban ïakhaid mar shi kol.
Kane ka lympung kan bteng biang ha ka 7 tarik mynta u bnai hapdeng ka Rambrai SC pyrshah ïa ka Rambrai Marbaniang FC ha ka por 2 baje janmiet.
