Shillong, Naiwieng 03
Ki san ngut ki dkhot ka Games Technical Conduct Committee (GTCC) jong ka Indian Olympic Asso-ciation (IOA) ki la wan jurip ïa ki jingtei jong ki jaka ïalehkai ha kane ka nongbah ha ka sngi Ba-ar na ka bynta ka jingpyn-khreh ïa ka 39th National Games ka ban long ha u snem ban wan ha Meghalaya.
Ïa katei ka komiti la khlieh da ka Sunaina Kumari kum ka Chaiman, kaba long ruh ka President jong ka Asian Lawn Bowls Federation bad kum ka dkhot jong ka Bowling Federation of India, ha ryngkat ki dkhot kiba kynthup ïa u Ravin-der Choudhary (Director of Competition ha ka Athletics Federation of India bad Secretary ka South Asian Cycling Fede -ration), Maninder Pal Singh (Secretary General jong ka Cycling Federa-tion of India), Sunil Kumar (President ka Kerala Olym -pic Association bad Dush -yant Sharma (President ka Jammu and Kashmir Olympic Association.
Kane ka jingwan jurip ka long ruh shi bynta ban pynbit pynbiang ïa ki jaka ïalehkai na ka bynta ki jingïalehkai bapher bapher ki ban ïoh rung ha kane ka lympung.
Ha kane ka jingleit jurip la synran lang da ka Secre-tary ka tnat ïalehkai jong ka Sorkar Jylla ka Kong Isa-wanda Laloo (IAS), kum-juh u Director Bah Alertson Nongbri, u Deputy Director Bah Païa War Nongbri, ki dkhot ka Meghalaya State Olympic Association naduh u Working President Bah John F Kharshiing, ka Vice President Kong Matsiew-dor War Nongbri, u General Secretary Bah Finely Lad Pariat bad kiwei kiwei.
Ha kane ka jingwan jong ki sha kane ka nongbah, kitei ki dkhot ka IOA ki la ïoh ban jurip naduh ka Jawaharlal Nehru Stadium ha Polo kaba la thmu ban pynlong ïa ka jingplie ïa katei ka lympung kaba heh jong ka ri, kumjuh ha Integrated Multipurpose Indoor Hall na ka bynta ka basketball, ka High-Performance Sports Science Centre, ha SSA Stadium na ka bynta ka phutbol, ka Multipurpose Indoor Hall jong ka SAI Training Centre ha NEHU na ka bynta ka rugby, fencing bad boxing, katba ka madan ïalehkai Golf ha Golflink bad ka mountain bike cycling ha NEHU.
Kumba ka long mynta ka Jylla ka dangdon hapdeng ka jingmaramot pynbha ïa ki jaka ïalehkai ha kylleng ka nongbah, kumjuh ha Jaiñtia Hills bad ha Garo Hills namar ka por ruh ka dangsah sa tang san bnai ban sdang ïa katei ka lympung.
Ki khubor ki ïathuh ba katei ka kynhun kan hiar sha Jaiñtia Hills ha ka sngi Balang na ka bynta ban jurip ïa ka Kiang Nangbah Stadium kaba don don mynta hapdeng ka jingmaramot pynbha bad ka Wahïajer Multi Purpose Stadium. Katba sha Garo Hills katei ka kynhun kan sa leit pat kham hadien.
