Shillong, Naiwieng 05
Ka Games Technical Conduct Committee (GTCC) jong ka Indian Olympic Association’s (IOA) ka la pynpaw ka jjngsngewhun halor ka jingpynkhreh ïa ki jaka ïalehkai kiba ki la dep ban jurip ha ka nongbah Shillong bad Jowai na ka bynta ka 39th National Games.
Ïa kane ka lympung la buh ban pynlong naduh 10 haduh 30 tarik u Lber jong u snem ban wan.
Ki san ngut ki dkhot ka komiti hapoh ka jjngïalam ka Sunaina Kumari kum ka Chairperson bad kaba long ruh ka President jong ka Asian Lawn Bowls Federation, ki la dep ban jurip ïa ki jaka ïalehkai bad baroh ki jingtei ha kylleng ka nongbah Shillong bad Jowai ha ka 3 bad 4 tarik mynta u bnai.
“Ngi la dep ban jurip ïa ki jaka ïalehkai ha Shillong bad Jowai bad ngi da sngewhun ïa ki jingpynkhreh ha kaba ïadei bad ki projek bapher bapher kiba long shi bynta jong ka National Games,” ka pynpaw ka Sunaina ha ka jingïalang bar ki nongthoh khubor ha ka sngi Palei.
Ka la ïathuh ba kane ka dei ka sien nyngkong ka jingwan jurip sha kane ka nongbah bad ka komiti kan sa leit jurip ruh ïa kiwei pat ki jaka kum sha Garo Hills bad sha ki bynra Jylla ka thaiñ shatei lammihngi, ki ban ïoh ban pynlong lang ïa kane ka lympung.
