Amlarem, Naiwieng 04
Ka Syndai Kmaishnong bad ka Hawai Sutnga ki la khur jingjop ha ka 2nd Division, katba ka Samanong ka la jop ha ka 1st Division Football League ba la pynïaid da ka Amlarem Sub-Divisional Sports Association (ASSA) ha ka sngi Balang.
Ha ka jingïalehkai jong ka Second Division kaba la long ha Mini Stadium Ladjaplem kaba ha Amlarem, ka Syndai Kmaishnong SC ka la pynliem noh ïa ka YFSC Amtapoh da 2-1 kol. Ka YFSC Amtapoh ka la pynkhih jar nyngkong lyngba u Kai is Manar (11′), hynrei ka Syndai Kmaishnong ka la pynphai kylla ar kol lyngba u Mario Syndai (34′) bad u Carlos Pohplet (46′).
Ha kawei pat ka jingïalehkai, ka Hawai Sutnga SC ka la jop da 1-0 kol ïa ka Pdengkseh SC bad ïa kane la thep da u Tyllibor Pohshna (49′).
Haba phai sha ka 1st Division, ka Samanong ka la pynliem da 2-1 kol ïa ka TC Pdengshakap. Ïa kine ki ar kol la thep da u Shiningstar War (13 & 24), hynrei ka Pdengshakap ka la pynphai kylla lyngba u Aplang Buam (80′).
