Bhopal, Jylliew:
Ka Palak Gulia ka lah khur shalade ia ka jingjop na ka jingiakob siat Air Pistol ki kynthei ha ryngkat bad ka tama Ksiar ba ka lah khur hadien ba ka la lah ban pynliem noh ia ka kynhun ialehkai kaba kham khlain ha ka rynsan iakob siat jong ki kynthei ha ka lympung 21st Kumar Surendra Singh Pistol Championship ha Madhya Pradesh Academy, Bhopal.
Ha katei ka jinglah jong ka ban khur ia ka tei ka jingjop, ka Palak ka lah siat 241.5 ha ka jingiakhun phainal na ka bynta ban pynliem noh ia ka nongiakhun pyrshah ka Anuradha Devi da 3.4 dor-thong ha ka jingiaknieh takma Ksiar jong ki. Kumjuh ruh ka Priya Raghav ka lah khur shalade ia ka takma Rnong da kaba tam shakhmat mynta ia u Arshdeep Kaur, Manu Bhaker, Surbhi Rao, Ruchita Vinerkar bad Harnavdeep Kaur. Ka khubor ka iathuh ruh ba ka Palak ka lah shah niat sha ka takma Rupa ha ka rynsan iakhun jong ki Junior ha ka Drishti Sangwan. Hynrei kaba kham sngewtynnad ka long ba ka Palak ka lah khur ia ka takma Rnong na ka kyrdan Youth kata hadien ka Harnavdeep Kaur bad Drishti.
Ki result:
10m air pistol: Women: 1. Palak Gulia 241.5 (574); 2. Anuradha Devi 238.1 (574); 3. Priya Raghav 217.1 (576).
Juniors: 1. Drishtii Sangwan 244.0 (572); 2. Palak Gulia 241.9 (574); 3. Vibhuti Bhatia 216.8 (572).
Youth: 1. Harnavdeep Kaur 239.6 (574); 2. Drishti Sangwan 237.1 (572); 3. Palak Gulia 217.5 (574).
Sub-youth: 1. Agam Grewal 572 (13x); 2. Drishti Sangwan 572 (9x); 3. Tanishi Choudhary 571.
