Bhubaneswar, Jylliew:
Ki la don shuh sa kumba 39 tylli ki metïap jong kito kiba la khlad na ka jingjia ïatakhuh jong ki rel ha Balasore ïa kiba la leit rah sha AIIMS kaba ha Bhubaneswar khnang ba ïa kine ki met ba sah yn sa lah ban aiti pat sha ki bahaïing jong ki khlem da pynslem hadien ba la ithuh ne kam ïa ki, la ïathuh ki heh ba dei khmih ha ka sngi Balang.
Ïa kine ki metïap la rah na Balasore bad buh ha ki hynriew tylli ki jaka ai jingsumar kiba don ha ka nongbah ha ka sngi U Blei hynrei ki bahaïing jong kine kiba la ïap ki shem jingeh na ka bynta ban leit wad sha kylleng ki jaka ai jingsumar ïa kiba ïeid ba thoiñ jong ki kiba la khlad noh, la ong ki heh ba dei khmih.
“Da ka jingdon sa 39 tylli ki metïap ba la phah sha AIIMs, haduh ka sngi Balang ki la don baroh 91 tylli. Ki bahaïing kiba la dei ban leit wad ïa ki dkhot jong ki longïing jong ki kiba la khlad ha ka jingjia kim donkam shuh ba leit wad sha kylleng ki jaka ai jingsumar na ka bynta ban leit wad bad ban leit kam ïa ki metïap jong ki bahañ jong ki hynrei kin sa leit tang ha kane ka jaka ai jingsumar,” la ong shuh shuh ki heh ba dei khmih.
