Chennai, Jylliew:
Hadien ka jingioh jubab na kiba bun da ka Application JioCinema kaba la lah ban pyni paidbah ha ki mobile ia baroh ki jingialehkai naduh kaba sdang jong ka IPL 2023, na ka liang jong ka Disney+ Hotstar mynta ka lah shim ia ka rai ban pyni-ei sha ki paidbah khlem da donkam ban siew ia ki ar lympung ialehkai Kriket kata ka Asia Cup & ICC Men’s Cricket World Cup na ka bynta ki paidbah ba kin ioh ban sakhi ia baroh ki jingialehkai ha ki mobile phone jong ki khlem da donkam ban pynrung kyrteng bad ban siew sha ka kompani ia ka bai peit ka jong ki.
Kumta katei ka rynsan pathai ka iathuh ba baroh ki jingialehkai lah ban peit-ei mynta ha ki mobile phone jong ki paidbah bad ka rai ia kaba lah shim halor katei ka bynta na ka bynta ban pyni-ei ia ki jingialehkai da katei ka Channel Disney+ Hotstar kum shibynta jong ka jingpynphriang shuh shuh mynta ia ka jingialehkai Kriket.
Kumta lyngba katei ka bynta, katei ka Channel ka don ruh ia ki jingthmu na ka bynta ban kyntiew shuh shuh ia ka channel bad ka jingialehkai ruh kumjuh sha baroh paidbah ka ri India kiba pyndonkam mynta ia ki mobile phone ha ki.
