Mumbai, Jylliew:
Ka Civic Body ha Latur ka jaka sor kaba don ha Maharashtra ka la buh jingujor pyrshah ïa uwei u briew bad daiñ kuna ruh ïa u da T. 1 lak halor ka jingshah pynshisha ba u la pom dieng, la ïathuh u heh ba dei khmih. Une u briew u dei u nongshong shnong jong ka Ward No 15, ha kaba u la shah pynshisha ba u la pom ïa u dieng uba don ka jingjrong kaba 40 phut ha ka sngi Saitjaiñ bad u la don jingthmu ban pynkhyllem sa uwei paw haba ka kynhun jong ka Civic Body ka la lap, la ong u heh ba dei khmih.
Ka Latur Municipal Corporation ka la phah shithi sha une u briew ha kaba u la shah hukum ba u la dei ban siew ïa ka kuna kaba T. 1 lak bad buh ruh da ka jingmudui sha ki pulit, ha kaba ïadei bad ka jingmudui kaba long pyrshah ïa u, la ïathuh shuh shuh u heh ba dei khmih. Ha kaba ïadei bad kane, ka Tree Authority of the Brihanmumbai Municipal Corporation (BMC) ka la pynmih ïa ka jingthoh ha kaba ka la ong ba lai tylli ki dieng la pom ba la dei ban thung noh ar tylli khnang ban lah ban pyntreikam shakhmat ha kaba ïadei bad ka jingthmu ban shna pyrnon ha ka jaka ba la shna biang ïa ka jingkieng Gokhale ha Andheri East.
Katkum ka shithi ba la phah, la ong ba ki la don kumba 10 tylli ki dieng kiba don ha ki san tylli ki jaka ïa kiba la shah pynkhyllem ki ban sa hap ban shna pyrnon noh bad ruh ban shna rishot jong ka jingkieng.
Ki heh jong ka Civic ki la pynshisha da kaba ong ba ki la don kumba saw tylli ki dieng ïa kiba la ithuh ba ki dei kiba dang rit. Hadien ba la ïoh jingtip shaphang ka jingshah pom jong ki dieng, ha kawei pat ka bynta, kan sa don ka jinglum bad ka jingpyntreikam.
“Ka jaka ïa kaba la jied ban buh ïa ka jingkieng mynta ka la ïaid shakhmat ha ki jingpyntreikam. Ïa kine ki dieng kiba la shah pynkhyllem la thmu noh ban shna pyrnon,” la ong u heh jong ka BMC. U Dhaval Shah, uba long u nongshong shnong jong ka Andheri West bad u nongkhmih bniah ha ka Civic Body, u la ong, “Ka BMC ka la thmu ban pyndep ïa ka jingpyntreikam kaba long ha ka bynta kaba nyngkong jong kane ka jingkieng ha u bnai Jymmang, hynrei ki la kyndit bynriew ban shna ïa kane ka jingkieng haduh une u bnai ba mynta u Jylliew ha kaba ki la sngewthuh ba ki la donkam ban pynkyllem ïa ki dieng.
Hato ki la shimkhia na ka bynta ban pyntrei ïa kane ka kam? Kumba la thmu hashwa bad kumba la dei rukom, la ong ba ha ka bynta kaba nyngkong la thmu ban pyndep ha u bnai Jymmang bad baroh kawei ka Project kumba la thmu pyntreikam ka la dei ban dep ha u bnai Risaw. Hadien kane ki la ong ba ka jingtrei kan sa dep ha u Naiwieng. Hynrei haba la khmih bniah ïa ka rukom pyntreikam jong ki la shem ba ki la shu ïai buh por.
