Vijayawada, Risaw:
Da kaba buh ïa ka por ba skhem ban pynïoh ïa ka 100% ki ïing na ka bynta ki nongshong shnong baduk jong ka jylla haduh u snem 2029, u Myntri Rangbah ka jylla u N Chandrababu Naidu, ryngkat bad u Myntri ka sorkar pdeng ba dei khmih ïa ka roi ka par ha ki thaiñ nongkyndong u Shivraj Singh Chouhan, ki la buh ïa u maw nongrim na ka bynta 3 lak tylli ki ïing ha kylleng ka jylla Andhra Pradesh hapoh ka jingtreikam ka Pradhan Mantri Awas Yojana-Gramin. (PMAY-G) 2.0 ha Burripalem kaba don ha ki bynta ka Tenali Assembly jong ka Guntur distrik ha ka sngi U Blei.
Ka jingplie ïa ka nongrim, kaba la pynlong hapoh ka prokram ‘Pedalaku Pattabhishekam’ (Crowning the Poor) jong ka jylla, la ïohi ba baroh arngut ki nongïalam ki la leh ïa ka Bhoomi Puja ryngkat bad kawei ka longïing kaba ïoh jingmyntoi, bad aiti ïa ki kot ki sla jong ka jaka shna ïing.
U Naidu u la pynpaw ba katba ka sorkar pdeng ha kaba sdang ka la mynjur ïa ka jingmang kyrpang kaba long 75,000 tylli ki ïing, ka jingkyrpad kaba shai ka la pynlong ïa ka jingmynjur mardor ïa ki 3 lak tylli ki ïing ban shna na ka bynta ki baduk ha Andhra Pradesh.
