Amsterdam, Jylliew:
Ka khubor ba lah ioh lum ka iathuh ba u rangshutbol ba paw jong ka kynhun kyjatbol ka Netherlands u Memphis Depay u lah weng noh ialade na ka kynhun ialehkai baroh kawei na ka bynta ka jingiakhun ha ka Nations League Final namar ka jingshitom ka jong u; katba u Daley Blind bad Tijjani Reijnders ki lah shah pynrung mynta ha kata ka kynhun ialehkai na ka bynta katei ka lympung iakhun ka ban wan.
Na ka liang jong u nongpyniaid katei ka kynhun u Ronald Koeman u lah dep ban pynpaw ruh ia ki kyrteng jong ki 26 ngut ki nongialehkai na ka bynta katei ka jngiakhun, hynrei uba lah hap mait noh ia ki katto katne ki kyrteng sha ka 23 ngut na ka bynta katei ka lympung ialehkai ba saw kynhun ha kaba ka ri Netherlands ka ioh ban pynlong mynta. Shuh shuh ruh katei ka kynhun ialehkai kan iakynduh nyngkongeh shuwa bad ka kynhun iakhun semifinal ha ka World Cup 2022 ka Croatia ha ka jingiakhun semifinal ba nyngkong ha ka 14 tarik mynta u bnai ha Rotterdam. Shuh shuh katei ka kynhun ialehkai kan hap ban pynkhreh bha ialade na ka bynta ki jingialehkai ki ban dang wan ha ka lympung, ha kaba ka Italy bad Spain kin long ki kynhun ki ban iakynduh ha kawei pat ka jingiakhun semifinal kata ha ka sngi babud (15 tarik) bad ki jingialehkai na ka bynta ban rah ia ki kynhun ban poi sha ka phainal kan long ha ka18 tarik mynta u bnai.
Ka thup kyrteng ba lah jied khatduh jong ka Netherlands ka kynthup:
Goalkeepers: Justin Bijlow (Feyenoord), Mark Flekken (SC Freiburg), Andries Noppert (Heerenveen)
Defenders: Nathan Ake (Manchester City), Sven Botman (Newcastle United), Matthijs de Ligt (Bayern Munich), Denzel Dumfries (Inter Milan), Lutsharel Geertruida (Feyenoord), Tyrell Malacia (Manchester United), Jurrien Timber (Ajax Amsterdam), Virgil van Dijk (Liverpool)
Midfielders: Frenkie de Jong (Barcelona), Marten de Roon (Atalanta), Teun Koopmeiners (Atalanta), Noa Lang (Club Brugge), Joey Veerman (PSV Eindhoven), Mats Wieffer (Feyenoord), Georginio Wijnaldum (AS Roma)
Forwards: Steven Bergwijn (Ajax Amsterdam), Cody Gakpo (Liverpool), Donyell Malen (Borussia Dortmund), Xavi Simons (PSV Eindhoven), Wout Weghorst (Manchester United).
