Shillong, Jylliew 14:
Ka All Meghalaya Karate-Do Association (AMKA) ka la sei haduh 31 ngut ki nongïalehkai ki ban leit ïashim bynta ha ka India Open International Karate Championship 2023 ka ban sdang naduh 17 haduh 18 tarik mynta u bnai ha Talkotara Indoor Stadium, New Delhi.
Kane ka kynhun hapoh ka jingïalam u Bah Donboklang Lyngdoh, Arjun Sewa, Bah Pynhunlang Kharbuli bad u Sunil Rathee kum ki coach bad manager ki la mih ha ka sngi Balang na kane ka nongbah.
Ki kyrteng ki rangïalehkai ki kynthup ïa u Wilson Mylliem Pdah, Damebanmerbha S. Blah, Damebanmerbha S. Blah, Kmenlang Shabong, Gideon Tympuiñ, Shandarson Nongrem, Alferius Kharsyiemïong, Bhawanchwadame Lyngdoh Mawphlang, Davyson Kharkongor, Nangkitbok Phira, Albert Jana, Cheltis Shylla, Ïohbor Mylliempdah, Paul Danny Kharmudai, Evanmedon Rynghang, Albert Jyrwa bad u Gary Daniel Lyngdoh Mawlong.
Ha ka liang ki kynthei ki long ka Inlumlang Skhemiew, Anisha Wahlang, Daphishisha Shadap, Aibiangpormika Lyngdoh Mawphlang, Daphilahun Wahlang, Kynjailin L. Mawnai, Carene Sohïong, Larisha Kurbah, Carenia Rapthap, Phindasumarlin Rani, Rebeka Nongspung, Laiarisa Nongrum, Saralin Rynghang bad ka Durka Padit.
Na ka liang katei ka synjuk ka la ai khublei kitbok kitrwiang ïa kane ka kynhun ba kan ïalehkai bha ha kane ka lympung bad ban wanphai ïing ryngkat ki takma.
