Paris, Jylliew:
Katkum ki khubor la ong ba ka jinglong jingman hapoh France ka dang sniew hi kumba long ha ka sngi ba la leit, hadien ba ki pulit kiba ap pahara ha ka jaka peit bniah ki la siat iap ia uwei u khynnah uba pyrshang ban iaid lait ia ka jingpeit bniah jongki.
Kumba 2,000 ngut ruh ki pulit ki la leit ban pahara sha Paris, hadien ka jingshah siat iap jong u khynnah 17 snem bad kaba la wanrah ia ka jingiakhih kaba jur ha katei ka nongbah naduh ka sngi Ba-ar.
Ha katei ka jingiakhih, ki la don shibun ki jingshah thang kali hapoh Paris bad kumba 31 ngut ruh ki riew paidbah ki la shah kem bad shah rah sha thanat hadien ba 24 ngut ki heh pulit ki la mynsaw ha katei ka jingiakhih.
