Nongstoiñ, Jylliew 30:
ka lympung ïalehkai phutbol ba la tip kum ka District Level Subroto Mukherjee Cup Football Tournament 2023 ba la pynlong da ka shlem trei kam District Sports Officer (DSO), West Khasi Hills ka la nang jam shaphrang. Ha kane ka lympung ka kynhun ïalehkai jong ka Nongstoiñ Public Secondary School bad ka St. Peter’s HSS ki la khur ïa ka jingjop ha ka Under-14 ki khynnah shynrang ha ka sngi Thohdieng.
Haba phai sha katei ka kyrdan ïalehkai, ka nam jop jong ka Nongstoiñ Public Secondary School ka la wan hadien ba ka lah pynliem noh da 2-1 kol ïa ka Sibsingh Govt. Memorial Higher Secondary School, katba ka. St. Peter’s HSS ka la jop da 1-0 kol ïa ka Anderson Hr SS.
Nangta, ha ka Under-17 ki khynnah shynrang pat, ka Nonglang Hr SS ka la ïoh ban khur ïa ka jingjop da kaba pynliem noh da 3-0 kol ïa ka St. Peter’s Hr SS.
Ha ka Under-17 ki khynnah kynthei, ka Thomas Jone’s SS ka la poi noh sha ka jingïakhaid da mar shi kol pyrshah ïa ka St. Xavier’s SS.
