Shillong, Jylliew 29:
7 ngut ki nongïalehkai jong ka AIl Meghalaya Sqay Association (AMSA) kaba long ka synjuk ïalehkai kab dangthymmai, ki la ïoh ban leit shim bynta sha ka 24 National Sqay Championship kaba la sdang naduh 23 haduh 26 tarik mynta u bnai ha Kurushestra, Haryana.
Watka ka dangdei ka sien kaba nyngkong eh ban ïashim bynta ha katei ka lympung, pynban ar ngut na ki lah ban khur ïa ki takma rnong lyngba ka Espiranza Stela Songthiang ha ka 50 kg weight category bad u Saimi Phawa ha ka 48 kg weight category.
Ha kane ka lympung la wan ïashim bynta kumba 29 tylli ki synjuk ïalehkai na kylleng jong ka ri India na ka bynta ban pyni ïa ki sap ïalehkai ba kyrpang.
Kat kum ka kyrwoh ba la pyllait da ka Kong Sumarlin Mary Warjrim General Secretary ka AMSA la ong ba ka Sgay ka dei ka jingïalehkai Martial Arts ka la ïoh ban rung ha ka thup jong ka National Games ka ban sa long ha Goa ryngkat bad 5 tylli kiwei pat ki jait jingïalehkai kiba thymmai.
Te kumta ia katei ka lympung kaba la kdew haneng ka dei kaba la pynlong da ka Sqay Federation of India (SFI) ban jied ïa ki kynhun na kylleng jong ka ri India ban ïoh ïashim bynta ha ka 37th National Games ka ban sa long ha Goa ha u Risaw mynta u snem.
Ka AMSA kaba lah ban ïoh lad ban shim bynta sha ka 37th National Games ka ban sa long ha Goa namar kata ka la buh ka jingkyrpad ïa ka tnat ïalehkai bad ka MSOA ban pynrung shi syndon ïa ka Sqay Martial Arts kum kawei na ki jingïalehkai ba la dep ïoh ka jingithuh na ka Indian Olympic Association (1OA) ha ka Meghalaya Games ka ban sa long shen ha Tura, Garo Hills mynta u snem.
Ka AMSA ka dawa ruh na ki bor bahalor ban ai jingiarap pisa (financial support) khnang ba ka AMSA kan ïoh ban pynlong ïa ki prokram kilanmet ryngkat ban pynbiang ïa ki tiar ki tar ruh bad ka bam (diet) jong ki nongïalehkai jong ka AMSA kum ka jingpynkhreh ban ïa aireng sha ka National Games.
