Kohima, Naitung:
U Director General of Police (DGP) jong ka Nagaland u Rupin Sharma u la kyntu ïa baroh ba ki la dei ban sumar ïa ki briew kiba la ngop ha ka jingdih drok kum ïa ki nongpang ym kum ïa ki briew kiba leh ïa ki kam bymman.
Ha ka por ba ka la don ka jingrakhe ïa ka International Day Against Drug Abuse and Illicit Trafficking, u Sharma u la ong ba katkum ki kaiphot ba la wanrah da ka Social Welfare Department bad kiba bun ki seng, ka jylla ka la don kumba 30,000 ngut ki briew kiba la pyndonkam ïa u drok.
U la ong ba ka thma pyrshah ïa u drok kam dei tang ka jingtreikam jong ki bor ka aiñ, u la kyntu ïa baroh ki briew ba ki la dei ban mih shakhmat na ka bynta ban ai jingtip ei ei shpahang u drok bad ki nongkhaïi drok.
U la ong ba ki pulit jong ka Nagaland shen kin sa lah ban wanrah ïa ka Mobile Application ha kaba ki briew kin lah ban ai jingtip ei ei sha ki bor ka aiñ shaphang ki nongkhaïi bad ki nongdih drok.
