Mairang, Naitung 04:
Ka kynhun ïalehkai U-17 ki khynnah kynthei bad U-14 ki khynnah shynrang ka Little Star Eng-lish Medium School bad ruh ka kynhun ïalehkai U-17 ki khynnah shynrang jong ka Mairang Presbyte -rian Higher Secondary School ki la ïoh ban rah ïa ka nam lahduh ha ka lympung ïalehkai phutbol ïa kaba la tip kum ka 2nd Eastern West Khasi Hills District Level Subroto Mukherjee Cup Football Tournament 2023 ïa kaba la pynïaid da ka ophis District Sports Officer, Nongstoiñ.
Haba phai sha katei ka sngi pynhap pyrda ïa ka lympung ïalehkai, ha ka U-17 jong ki kynthei, ka nam tam bad nam jop jong ka Little Star English Medium school ka dei hadien ba kala lah ban pynliem noh da 6-0 kol ïa ka Mairang Presbyterian Higher Secondary ha ka jingïalehkai final pyrshah kaba la long ha ka sngi Ba-ar ha madan Dom Mawlum Pyndengum-iong, Mairang.
Haba phai pat ha ka U-14 jong ki shynrang, ka nam jop jong ka Little Star ka la wan hadien ba ka la lah ban pynliem noh da 2-0 kol ïa ka St Joseph Higher Secondary School.
Katba ha ka U-17 ki khynnah shynrang, ka nam jop jong ka Mairang Presbyterian Higher Secon -dary School ka dei hadien ba kala pynliem noh da 1-0 kol ïa ka Mairang Presbyterian Secondary School ha ka jingïakhun final ha kajuh ka sngi.
Shuh shuh ïa katei ka sngi la sakhi lang ruh da ka Kong D Khonglam, Sports Officer jong ka tnat Sports and Youth Affairs kum ka kongsan ha ka jingdonlang ka Kong SM Rapsang, ka DSO East Jaintia Hills, ka DSO West Khasi Hills ka Kong Balarina Syiem, u Sordar ka shnong Pyndengumiong u Bah Bornad Syiemiong, ki khynnah skul lem bad kiwei kiba la sam ruh ïa ki khusnam.
