Shillong, Naitung 06:
Ka lympung ïakob siat suloi ba la tip kum ka 8th Meghalaya State Shooting Championship ka la poi sha kaba kut ha ka Sngi U Blei ha Indoor Shooting Range jong ka Assam Regimental Centre, Happy Valley, Shillong.
Ha kane ka lympung la wan ïashim bynta da kumba 60 ngut ki nongsiat suloi. Ha katei ka sngi la ïadon lang u Chief Executive Member (CEM) ka KHADC, Bah Pynïaid Sing Syiem kum u kongsan ha ryngkat u Bibatdor M. Syiem, Chief Engineer ka State Sports Council Meghalaya bad Bah Toshanlang Kharsati, Principal Pearly Dew Secondary School, Shillong kum ki symbud kongsan.
Ha kane ka sngi la sam ïa ki khusnam sha ki nongjop ha la ki jong ki kyrdan ïalehkai kiba kynthup ïa u Banrilang Bleine, Wanpliborlang Nongsiej, Abhay Mukharjee, S. Rebecca, Veronica Buhroy, Amalisha N. Sangma, Khrawborlang Jyrwa, Rijun Kharbani Malvin Kurbah, Christina Kharbuli, John Thounaojam, Walsall M. Momin, Mawdaker Marweiñ, Toiaibha Mylliempdah, Da-i-labynta Ryntathiang, Sumita Paul, Sahil Sinha, Lamphrang Mame Allya, Divieja Om Bali, Davis N.R Marak, Bapynkmen Ajar, John Kharshiieng, Rajdeep Ghosh, Anjali Singh, Jeremy Nongrum, Marbarisha Mylliempdah, Anthony Lakiang, Shirley Mary Kharbuli, Balarisha Rani, Pynskhem Surong, Mathiush Sangma, Bibatdor M. Syiem, Verisha Maring bad ka Balarishisha Rani.
Haba ai jingkren ha katei ka sngi, u Bah Pynïaid u la ai jingïaroh ïa ka SAM kaba la lah ban pynlong ïa kane ka lympung ïalehkai kaba jop wat hapdeng ka jingshah pynthut ha ki bor ka mariang. U la ai khublei ruh ïa baroh ki nongïalehkai kiba la wan ïashim bynta ha kane ka lympung. Nangta u la pynshlur ruh ba kin ïai bteng ban ïalehkai bha khnang ba kin nang kiew shaphrang ha ka kam ïalehkai.
Kiwei pat kiba la ïadon lang ha kane ka sngi ki long u Ritu Raj Bhagwati, International Judge Bah John F. Kharshiing, President ka SAM, Davis N.R Marak, Vice President ka SAM, Bah Niel Sooting, General Secretary ka SAM Bah Nicholas J. Nongkhlaw bad kiwei.
