Ranchi, Nailar:
Ka kynhun nongïalam jong ka seng Congress ha ka ri ka la hukum ïa ki 4 ngut ki Myntri ka seng ha Jharkhand ba ki la dei ban pynlong ïa ka Jan Sunwai kaba shisien shi taïew, kaba ki briew ki sngewtynnad eh ban ïakren bad ïaphylliew jingmut.
Ka Jan Sunwai ka dei ka prokram ba la buh na ka bynta ban pynpaw ïa kiba bun ki jingmudui jong ki nongbud jong ka seng bad ki paidbah kaba long kyllum. Ha ka taïew ba la lah, ka la don ka jingïalang ba la pynïaid da u President jong ka seng u Mallikarjuna Kharge bad u nongïalam jong ka seng u Rahul Gandhi na ka bynta ban ïakren halor ki kam ba ïadei bad ki kam saiñ pyrthei ha Jharkhand.
Ki la don kumba 3 dorjon ki nongïalam jong ka seng na ka jylla kiba la don bynta ha katei ka jingïalang ha kaba ka la don ruh ka jingïakren halor ka mat ba la buh ha ryngkat ka jingdonlang jong ki Myntri.
Ki saw ngut ki Myntri jong ka seng Congress ki kynthup ïa u Alamgir Alam, Rameshwar Oraon, Banna Gupta bad u Badal Patralekh, kine ki dei kiba la bat ïa ka kam ha ka tnat ki kam pynroi ïa ki thaiñ nongkyndong, ka tnat Finance and Civil Supplies, ka tnat ka koit ka khiah bad Agriculture.
