Sorkar Assam ka mut ban kam jubor ïa ka shnong Mukroh kaba dei hapoh u pud ka Meghalaya

Halor ka Block I & II kaba dei ka jaka jong ka Ri Jaiñtia naduh barim bajah. Ka Sorkar Assam mynta ka la leh donbor ban bishar ïa ka shnong Mukroh kaba dei hapoh u pud u sam ka Ri Jaiñtia hapoh ka jingsynshar ka Jaiñtia Hills Autonomous District Council, Jowai mynta. Ka Nongbishar ka Commission ka sorkar Assam ka la wan poi ha Shillong ban ai sakhi da ki briew ka Meghalaya baroh ïa ka Commission katkum ka khubor 8th Nailar 2023 ba la mih ha kawei ka kot khubor. Kane ka mut ban bishar ïa ka shnong Mukroh ïa uto u briew u la dep shah siat ïap ha ki pulit Assam ha Mukroh kiba dei hapoh u pud u sam jong ka shnong Mukroh kiba la ïap 5ngut da ka jingsiat ki pulit Assam. Kane ka Commission Assam ka mut ban leh bor ïa ka sorkar Meghalaya ba kam ngeit ïa ka Commission jong ka sorkar Meghalaya ban bishar ïa ka shnong Mukroh ïa kito ki briew kiba la dep siat ïap da ki pulit Assam. Kane ka jingleh jong ka Assam ka long ban iuhroit ïa ka jingsynshar ka Meghalaya State.

U paidbah ka Ri Jaiñtia u dei ban sngewthuh ïa ka jingmut ka jingleh bor jong ka sorkar Assam ïa ka ri Jaiñtia mynta hapoh ka State Meghalaya. U paidbah ym dei ban ngeit ïa kane ka jingthmu ka sorkar Assam ban leh bor ïa ka shnong mukroh bad kumjuh ruh ïa ka Block I & II kaba dei hapoh u pud jong ka ri Khasi Jaiñtia naduh barim bajah.

                                                                Shri. Barding Sari

                                                                       President

                                                Jaiñtia Dorbar, Jaiñtia Hills

                                West Jaiñtia Hills District P. O. Thadlaskein

                                                                Meghalaya