Derna, Nailur:
Hadien shi taiew jong ka jingjia shlei um ba shyrkhei hapoh ka nongbah rud duriaw jong ka Libya ha Derna, la ong ba ki lad jingiarap ha kane ka por ki dang shu poi sha ki lanot kiba ngat ha katei ka jingjia, ha kaba da ki hajar ngut ki paidbah nongshong shnong jong katei ka nongbah ki la khlad bad duh noh ïa ka jingim na katei ka jingjia.
Wat hapdeng ka jingïaleh shitom jong ki bor pyniaid jong katei ka ri ban pyllait im ia ki paidbah hadien jong katei ka jingshlei um, hynrei ka jingkhlad na katei ka jingjia ka la nang kiew katba ki tnat iarap ki dang leit tih bad ioh sei ia ki metiap kiba sahkut ha kitei ki jaka ba shah tap um. Ka jingkheiñ ba la pynbna khatduh da u Myntri ka koit- ka khiah jong katei ka ri ka long 3,252 ngut kiba khlad ha katei ka jingjia.
