Baku, Nailur:
U President ka Azerbaijan, u Ilham Aliyev ha ka Sngi Balang u la ong ba ka ri jong u ka la ioh synshar hi ia ka Nagorno-Karabakh hadien ba ki shipai jong ka Armenia ki long ba la kloi ban pyndem bad kohnguh ban pyndem noh ia baroh ki tiar iakhun bad tiar siat ha ka sngi kaba bud jong ka jingïakhun thma.
Katei ka jingkhyllem noh jong ka Armenia ka long ka jingjop kaba khraw ia u Aliyev kum shi bynta na ka jing-angnud jong u ban ioh synshar hi ia ka Nagorno-Karabakh bad ban ioh synshar hi da ka Baku.
Ka Armenia bad ka Azerbaijan ki la iakhun haduh 2 tylli ki thma ha ka jingiaknieh ia ki bynta ri lum naduh ba la khyllem noh ka Soviet Union.
La ong ba ka Azerbaijan ka la ioh bat biang ia ka bor synshar kum shi bynta na ka jingpyrshang jongka ban rat dyngkhong ruh ia ki kam thombor jong ki lehnoh ha Karabakh.
Kumjuh ruh ka Azerbaijan ka la kam ba bun na ki shipai ka Armenia ha katei ka thaiñ ki la khyllem lut bad kumta ki la bun kiba la phet krad noh na katei ka bynta hadien ba ki sngewthuh ba kim don bor shuh ban iakhun pyrshah.
Na ka liang ka tnat iada jong ka Azerbaijan, ka la bthah ia ka Armenia ba kan leit pyndem noh ia baroh ki tiar iakhun bad ki tiar siat naduh kiba tlot haduh ki tiar siat bad tiar pynbthei kiba khlaiñ bor lada ki kwah ban lait na ki jingeh kiba khraw hadien- habud.
