Saipung, Nailur 21
Ka Lumshynngan SC ka la khur jingjop ha ka lympung ïalehkai 2nd Division Football Tournament ba la pynïaid da ka Saipung Block Sports Association (SBSA).
Kane ka lympung ïalehkai ka la sdang naduh ka 12 tarik mynta u bnai ha kaba la wan ïashim bynta kumba 32 tylli ki kynhun ïalehkai ba la bynta ha ki 8 tylli ki thup ne Group.
Haba phai sha ka jingïakhun kaba la long ha madan Lamyrsiang, East Jaiñtia Hills District ha ka sngi Balang, ka Lumshynngan SC ka la pynliem da 2-0 kol ïa ka Moolasngi SC. Ïa ki kol jong ka Lumshynngan SC la thep da u Ferdinand Dkhar (55) bad u Rining Sutnga (57).
Ha ka jingïakhun kaba bud, ka Bamkhosngi SC bad ka Mynthlu SC ki la ïakhaid khlem da lah ban pynkhih jar.
Ha ka jingïakhun kaba khatduh, ka Bamkhosngi United SC ka la pynliem ïa ka Moolasngi SC lyngba ka shi kol ba la thep da u Jesta Ngirsim (51).
Ka jingïakhun ha ka sngi Thohdieng kan long hapdeng ka Lumtong SC pyrshah ïa ka WLOI & RCL ha ka por 10:30 mynstep. Ka Krem Myrsiang SC ïa ka Moolamylliang SC por 12:15 bad ka Mulait Bri-Sutnga SC ïa ka Kseh SC ha ka por 2 baje janmiet.
