United Nations, Nailur:
Ka China ha ka Sngi Palei haba iadon lang bad kiwei pat ki ri hapoh ka jing-ialang jong ka United Nations, ka la maham ba kim dei ban don mano- mano ruh ki ban leit tuklar haba iadei bad ka jinglong- jingman ha Taiwan bad ym bit mano-mano ruh ban korbar halor ka jingdon bor jong ka ban leh trai ia katei ka ri dew lynnong ‘Taiwan’ namar katei ka dew lynnong ka long hi ka bynta jong ka China, kaba shu pait na ka China ha ki por ba la leit.
Kumta, u Vice President ka China- u Han Zheng u la ong ba ka China ka lah ban leh katba ka sngewbit haba iadei bad katei ka dew lynnong kaba dei hok ka bynta ba shu pait na ka la ka jong. Namarkata ruh u la ong ba ka China ka lah ban shim biang sha lade ha kano- kano ruh ka por ia katei ka bynta kaba dei hok ka jongka bad kiwei pat ki ri kim bit ban leit tuklar ne bishar ia ka jinglong- jingman hapdeng katei ka Taiwan bad ka China.
