Johannesburg, Nailur:
Ka tnat ri jingri jong ka South Africa ka la maham ia ki nongri jingri ha kylleng jong ka ri namar ka jingma kaba ap ia ka ri na ka jingioh pang khlam ki syiar bad kumjuh ruh ka jingkhaïi pylleng ka lah ban hiar bha ha ki sngi ban wan namar ka jingshah lynshop jong katei ka ri ha ka khlam ‘Bird Flu’.
Ka Quantum Foods kaba long ka tnat khaïi kaba heh bha ha South Africa, ka la iathuh ba ka ri ha une u snem ka la mad lypa ia ka jingduh nong kumba 2 million tylli ki syiar kiba la shu iap khlam bad ba la shong dor kumba 100 Million Rand lane $.5.3 Million.
Kane ka jingpang khlam ki syiar ha une u snem, ka long ka khlam kaba la ktah jur tam eh ba ka South Africa ka la ioh mad.
