Chandigarh, Nailur:
Kum shi bynta ban lah jop ha kaba ïadei bad ka jingthmu ban tehlakam ïa ka jingthang bun jong ki nongrep bad ban pynpyut ïa ki ñiut ki ñier, ka Punjab Agriculture and Farmers Welfare Department kan sa pynbiang da palat 24,000 tyli ki Crop Residue Management (CRM) Machine kynthup ïa ki 5,000 tylli ki kor ban buh ïa u symbai ne tynrai jingthung ha ka dor kaba bit sha ki nongrep jong ka jylla ha ka aïom kheit ka ba sa wan.
U Myntri uba dei khmih jong ka Agriculture and Farmers Welfare jong ka Punjab u Gurmeet Singh Khudian u la ong ba, ha ka jingkylla kumba la sakhi, la ong ba ka Department of Agriculture ka la ïohpdiang ïa kumba 1,58,394 tylli ki jingthoh ba buh jingkyrpad na ki nongrep na ka bynta ban ai jingmyntoi ha kaba ïadei bad ka jingpyntreikam ïa ki CRM.
Ki shithi ba la buh na ka bynta ban jied ïa ki nongïoh myntoi la dep ban pyllait lyngba ka Online Portal.
U la ong ba kane ka tnat kan sa pynbiang ïa ki Super SMS, Happy Seeder, ki jingtylliat kba bad baroh ki tiar pyndonkam ba ïadei bad ka kam rep ne kiba ju pyndonkam ha ka ban ot ïa u u kba bad tih ïa ki jingthung jingtep.
Kumba la sakhi, la ong ba ha u snem 2022-23, ka jylla da ka jingjop ka la lah ban pynduna ïa ki jingthang bun jong ki nongrep da 30 % kaba la long da ka jingpyndonkam da ki buit ki bor bad ki tiar ha kaba ïadei bad kane, la ong u Myntri jong ka Punjab uba dei khmih ïa ka kam rep kam riang.
