Gibibi
Ka thoh, kynthoh bad kynnoh kam long kaba sniew wat la ka long kaba dei ne kaba lait. Lymda dei ba katto katne ki Political Parties bad ki Seng bhalang ki pyrshah bad kynthoh ïa ka kyrteng Bharat, mangi ruh baroh ha kane ka Jylla ngin nym poi pyrkhat ba ka Meghalaya ruh kam dei ka kyrteng Trai Ri, hynrei ngi la pdiang ïa kane ka kyrteng la palat sanphew snem. Haba pule ïa kiwei ki kot, Magazine, kot khubor etc. kiba ngi ioh na Ri thor, nga iohi ba ka sorkar pdeng kaba mynta kam don jingsngew pyrshah ïa ka Thoh, kynthoh bad kynnoh Quote – “Pressure groups are Considereed indispensable for the Successful working of an effective Political system…. Unguote.” Lada ngi ïa nujor na ka Bible, ngi sngewthuh ba lada ngi lah ban iohi ïa u thngiat ha ka khmat jong kiwei, kiwei ruh kin pyni lem ïa u khung ha ki khmat jongngi bad kan long markylliang ban pynkhuid ïa kaba bakla – share, subscribe and comment.
Ha kaba ïadei bad ka bynta – 2 jong ka Phang ba la kdew haneng, ka la don ka thoh, kynthoh bad kynnoh kaba la jur palat namar ka long ka por shwa ka Election sha ka Dorbar Thawaiñ ka jylla Meghalaya. Ka jingkynthoh la ka long tang na ki Political parties bad sengbhalang kam da long kaba da pher than, la ka long kaba dei ne kaba bakla, namar la kynthoh khlem pat da tip bad iohi ïa ki syrnod jong kata ka UCC Bill. Ka Constitution jong ka Ri India kum ka Federal Government ka bate ïa ki kam ban synshar ïa ka Ri ha ki Lai Rukom bad kita ki long (1)Ka Union List (2)Ka State List bad (3)Ka Concurrent List ba la pynkup bor da 47 tylli ki syrnot. Kat ba lah ban sngewthuh ka UCC Bill kam hap hapoh ka Concurrent List bad lada sngew donkam ban pynlong aiñ bad pyntrei kam, ka sorkar pdeng kam lah ban shu pyntian jubor khlem da mynjur da ki Sorkar Jylla. Ka Constitution jong ka Ri India ka long kaba bun bha ki khyrnit ki syrnet na ka daw jong ka jingïapher ki jaidbynriew, ki Riti ki Dustur bad ki jingngeit niam ba bun jait.
Haba don kano kano ka jingïakhajia ha ka rukom synshar khadar kaba kyllaiñ bad bym lah ban ïa mynjur lang, hap ban bishar bniah da ka constitutional bench jong ka ïing Bishar kaba hakhlieh Duh kata ka Supreme Court. Kumba la pynpaw haneng, ka jingpyrshah da kino kino ki seng kam da pher than. Hynrei ba ki Khristan kin pyrshah kat ïa ka UCC Bill ka long ka jingbakla kaba palat pud. Lah ruh ban ong ba ka long ka pop kaba khraw namar ki la ïaid lait na ka jinghikai ka Baible ka ktien jong U Blei. Deu. 6 : 13. To men sheptieng ia u Trai uba u Blei jong me, bad to shakri ïa u, bad da ka kyrteng jong u men smai. Ka jingngeit Khristan ka hikai ban sheptieng tang ia u Blei, hynrei ynda la sang ban synshar ka BJP kum ka Sorkar Kmie, baroh ki khristan ki la klet ban sheptieng ïa u Blei bad ki la sheptieng pynban ïa u Modi, u Amit Shah, ki RSS ka Hindubta bad ki la sheptieng ïa baroh ki Blei thaw Hindu bad klet jlang ban sheptieng ia u Blei, U Blei u la ai bainong ïa ngi ki Khristan da kaba pynpaw ha ka kot khubor Shillong Times bad NALOR PULPIT.
Ha ki nongpule bad khamtam ha ki Para bangeit, wat ai ba kane ka jingjia kaba la tip na ki kot khubor kan pynsngewlehraiñ bad pynnoh mynsiem namar ka long kaba la pynpaw khnang ïa ki Pop jongngi da u Blei, Matt 10 26. Namarkata top wat sheptieng ïa ki, naba ym don kaei kaei ruh ba la tap ïa kaba yn ym pynpaw, bad ba la buhrieh, ïa kaba yn ym pyntip. ïa kaba ong ha phi ha kaba dum, To ïathuh ha kaba shai, bad ïa kaba phi iohsngew da ka shkor, to phin ïalap NALOR ki ing, Luke 21 : 32 – 33 Shisha shisha nga ong ha phi kane ka Pateng bynriew kan ym leit noh, tad ynda la pyndap noh ïa kine kiei kiei baroh. Ka bneng bad ka khyndew kin duh noh, hynrei ka ktien jong-nga kan ym duh noh.
Nga kyrpad ïa ki nongpule khamtam ki para khristan ba kin sngewbha ban ïasam lem ïa ki jingsngew jong ki. Ka Baibil ka long kaba ïar ban tip lut bad ban sngewthuh. Kane ka jingbatai jongnga ka lah ban don bun ki jingbakla bad nga dei ban pan map na phi bad khamtam na u Blei lada don kino kino ki bynta kiba phi ïatip lem bad kiba ngan pdiang ban pynbeit ha ka bynta kaba 3. Kat kaba nga lah ban tip, baroh kawei ka Bible kam don ka jinghikai ba ngi kum ki Khristan ngi dei ban sheptieng. U Jisu Khrist hi u ong ‘Dei manga wat sheptieng.”
Khnang ban lah ban bteng ïa ka jingïasyllok, sngewbha ban ïa share, Subscribe and Comment namarba ka long ka lad ka lynti ban ïarap ïa ngi ba ngin beh sha pyrshah ka Dak, bad ba ngim dei ban sheptieng ïa ka UCC Bill ne kano ka aiñ pyrthei ban shna da kano kano ka Bor Synshar, Hadien kane, kaba bud kan long bynta kaba Lai – Ka Bor jong ki Blei Thaw.
