Srinagar, Nailur:
Ki shipai ïada ri ki la ïohlad ban pynpulom ïa ar tylli ki kynhun lehnoh bad kem ïa san ngut ki riewkieng atiar kiba ju ïatrei bad ki lehnoh ha ryngkat ki tiar siat bad ki kuli ha Kulgam distrik kaba don ha Jammu Kashmir, la ïathuh ki pulit.
Ki pulit ki la ïathuh da kaba ong, “Ha ka jingpyntreikam kaba la wanrah ïa ka jingjop ha kaba ïadei bad ka jingïakhun pyrshah ïa ki kam pyntriem jong ki lehnoh, ki pulit jong ka Kulgam ha ryngkat ka jingïatreilang jong ki pulit ka kynhun 1RR, 9RR, 18 Bn CRPF, 46 BN CRPF ki la lah ban pynpulom ïa ar tylli ki kynhun lehnoh bad kem ïa san ngut ki riewkieng atiar ha ryngkat ki tiar siat bad ki kuli.”
Ar tylli ki pistol, 3 tylli ki bom kawang kti, uwei u UBGL, ki Pistol Magazine ar tylli, 12 song ki kuli jong ka pistol bad 21 song jong ka AK 47, la ïoh ban kurup hadien ba la dep ban khmih bniah na ki, la ïathuh shuh shuh ki pulit.
Ki pulit ki la ïathuh ba ïa kine kiba la shahkem la tip kyrteng kum u Aadil Hussain jong ka Poniwah, uSuhail Ahmad Dar jong ka Bugam, u Aitmad Ahmad Laway, uba long u nongshong shnong jong ka Brazilian Jageer, u Mehraj Ahmad Lone jong ka Hawoora bad u Sabzar Ahmad Khaarof Ghat Redwani Payeen.
