Shillong, Risaw 09
Ka Mawpdeng Sport Club bad ka Ri Bhoi Youth Federation Mawleiñ Unit, ka khot bad wer ïa ki kynhun ïalehkai phutbol bapher bapher ban wan shim bynta ha ka Inter Village Knockout Football Tournament 2023 ka ban long ha ka madan phutbol Mawleiñ Mawkhan.
Ka lahduh ha kane ka lympung kan ïohpdiang ïa ka khusnam kaba T. 1 lak bad kaba wan ba-ar kan ioh T. 30 hajar lem bad ki trophy nalor ki khusnam shimet. Kat kum ka kyrwoh la ong yn nym shah ban thep ïa ki rangïalehkai kiba nabar shnong. Ka bai rung kan long T.3500 bad ka bai rephri kan long T.1000. Ka tarik ba khatduh ban pynpoi ïa ki form kan long ha ka 20 tarik mynta u bnai. Na ka bynta ki jingtip ba bniah ki lah ban phone ha ki number 6009524068, 8131940262 & 8837220386.
